雨怪的婚禮佇曾文溪的南爿溪岸三崁店有一片蓊蔭平洋的次生林地曾經是日據時代的糖廠，有真交易的光景時代的遷徙即碼是雨怪佮植物多原生態的樂園in世世代代佇遮生湠起造自由自在快樂的城堡不管日頭若爾大一隻一隻宓佇樹頂的枝椏睏甲硞硞gô遮是阮的大本營恁不通來攪吵暗時睏飽阮才欲來做工課peh樹仔、跳躍阮上本事從白樹仔peh過苦楝跳過鹿仔樹從即椏鑽入樹枝闖入迄爿草埔遮是阮鍛鍊身體的走標場七、八月仔雨季是阮上歡喜的季節雨停的暗暝雨怪嘉年華會就隨時開演查埔仔相招佇樹林各佔山頭唱出上熱豔的情歌等待新娘的引Kih-liKih-li樹林內驚天動地的歌聲Kih-liKih-li天星、月娘來伴嫁夜蟲共奏進行曲一場鬧熱的婚禮就佇雨停的夜暗暝－2010.01.15程鉄翼佇府城南濱－雨怪、雨怪“Kih-li、Kih-li，Kih-li、Kih-li”樹林內，驚天動地的歌聲佇，雨停的暗暝，雨怪嘉年華會，就隨時欲開演。佇曾文溪岸下游的南爿面，有一个號做三崁店的所在，有一間日據時代起造的糖廠，早前生理誠交易，遐，嘛有茂蔭的樹林。時代無仝--矣，糖廠產業綴袂著工業的跤步，工人遷徙，遮，已經停工，拋荒一、二十冬--矣！茂蔭的樹林煞無人通管理，變成一片次生林地3，現此時，有淡薄仔暗毿（àm-sàm）。彼一工，一陣西北雨，消敨大暑半晡仔翕熱（hip-jua̍h/hip-lua̍h）的燒氣，予王梨伯仔做甲毋知通暗，當當伊經過樹林的時，雄雄聽著，「Kih-li、Kih-li，Kih-li、Kih-li」有節奏的叫聲，予伊真驚惶，起跤拚命走，傱轉去厝。伊前氣(khuì)接袂著後氣，坐佇簾簷跤，一直喘、一直喘，面色猶有淡薄仔驚惶，想著拄才的情景。這一暝，王梨伯仔愈想感覺愈奇怪，以早都毋捌有按呢的狀況，感覺無啥對同。就起身，攑著手電仔，穿著靴管，敢若食著好膽藥仔仝款，家己一个人就傱入去樹林內，去走揣聲音的答案。伊，一行入去樹林內隨著發現，佇藤仔頂抑是樹葉仔頂，閣有草仔埔、水窟仔邊，一隻一隻青黃色的身軀，白白的腹肚，身軀外爿閣框一條白線的四跤仔，逐隻歡喜咧叫歌，王梨伯仔用手電仔閣斟酌共炤（tshiō）看覓--咧，樹林內滿四界攏是in的影跡。伊半暝仔轉--來了後，反來反去（píng-lâi-píng-khì）攏無法度落眠，一透早就庄頭、庄尾去探聽，後--來，蹛佇庄仔內的老輩共伊講，伊才知影，原來長久以來攏佇遮生湠，地方的人嘛毋知的名。每年佇7、8月仔若落過雨的暗暝，就會有「Kih-li、Kih-li，Kih-li、Kih-li」的叫歌聲，逐个人感覺足奇怪的，庄仔內的人就攏共in叫做「雨怪」。王梨伯仔，一方面走揣資料，一方面去了解「雨怪」的生態，嘛和in成做好朋友。熱天時仔逐擺伊若收工，就會入去樹林內，佮開講，聽叫歌。王梨伯仔一直揣無相關研究管道的消息。後--來，伊就決定欲聯合生態保育團體，來替正名，嘛會當保留一塊「雨怪」生存的淨土。落雨--啊！「雨水清涼，甘甜閣清淨。你彈曲，伊叫歌，清泉直直溢。過草埔，入樹林，生機萬萬種。」日--時，一隻一隻，覕佇樹頂的枝椏、草埔…，睏甲硞硞遨（gô）。遮是阮的大本營，恁毋通來攪吵，暗時若睏飽，阮才欲來做工課。對白樹仔peh過苦楝仔，跳過鹿仔樹，對這椏鑽入樹枝，傱入彼爿草埔，這就是阮鍛練身體的走標場。逐家攏佇樹林內鍛鍊身體，等待7、8月仔雨季一下到，就是「雨怪」欲傳宗接代的大日子。有的較走標的查埔囡仔，攏會徛（khiā）佇上顯目的所在，來吸引偷偷覕佇草埔仔咧觀察的查某囡仔。嗨！Honey～，我來--啊！母的雨怪綴著叫歌聲，順著枝椏，寬寬仔倚（uá）--過去，選擇意愛的對象。「雨季是阮上歡喜的季節，佇，雨停的暗暝，雨怪嘉年華會，就隨時欲開演。查埔的相招佇樹林，各占山頭，唱出上熱豔的情歌，等待新娘的引tshua7。」母的雨怪偝著心愛的對象，對樹頂沓沓仔peh落來，去走揣揜貼（iap-thiap）的所在，通欲傳宗接代。「Kih-li、Kih-li，Kih-li、Kih-li樹林內，驚天動地的歌聲，Kih-li、Kih-li，Kih-li、Kih-li天星、月娘來伴嫁，夜蟲共奏進行曲，一場鬧熱的婚禮，就佇雨停的～夜暗暝。」佇雨期最後的季節，「雨怪」一對一對完成傳宗接代的儀式，in著走揣樹林內揜貼的濕地，將受精的卵thuann排--落去，等待迎接下一代的出世。王梨伯仔和保育團隊經過一段時間的走傱，後--來，經過林務局野生動物保育法的判定，in就是台灣原生種的動物，通過保育法案，佇學者的研究得著正名，號做「諸羅樹蛙」。王梨伯仔不時就會去巡守，關心生態環境的變